Ciarán Ó Con Cheanainn 1981-2009

Cailleadh Ciarán Ó Con Cheanainn agus é i mbláth na hóige ar 3 Feabhra 2009. Amhránaí cruthanta sean-nóis ab ea é a raibh cáil fé leith bainte amach aige sa bhaile agus i gcéin. Nocht bua an cheoil go luath ina shaol nuair a bhuaigh sé Duais Phléaráca na Bliana 1995 agus Duais Fhleadh Cheoil na hÉireann an bhliain chéanna. Ní raibh séach sna déaga óga ag an am, ach ba léir go raibh mórán le teacht ón amhránaí breá seannóis seo. Lean sé den amhránaíocht, ag foghlaim agus ag forbairt a cheirde sna ranganna sean-nóis i gColáiste Lurgan, Indreabhán, faoi stiúir Mháire Pheter Uí Dhroighneáin. Go grod ina dhiaidh sin, thosnaigh na gradaim ag teacht ina threo.